भिस्वा नाकाको तगडा सेटिङ्ग पटक पटक विभिन्न मेडियाहरुमा समाचार प्रकाशन भएपनि तस्करी रुकेन ।

पृतांक राष्ट्रिय दैनिक 

साउन ३ गते बुधबार
कृष्णा यादव
भिस्वा नाकावाट व्यापक रुपमा कबाड, हाडयेवर, लत्ताकपडा , हड्डि , मोटर , मरिच लगाएतको तस्करी भईरहेको समाचार फोटो सहित समाचार प्रकाशन भएपनि अहिले सम्म  पर्साको भिस्वा नाकावाट तस्करी रुकेको छेैन ।

सशस्त्र प्रहरी बल बिओपी भिस्वाको प्रमुख एवम सशस्त्र प्रहरी निरीक्षक संजिप बानियाँ प्रमुख भई आएको दिन देखिनै व्यापक रुपमा तस्करी भईरहेको विभिन्न मेडियाहरुमा भिडियो सहित समाचार आईरहदा पनि तस्करी नरोकेको र सशस्त्रका प्रमुखहरु मौन भई बसेकोले उहाँहरु माथि पनि शंकाको बिषय बनेको छ।

सशस्त्र प्रहरी निरीक्षक बानियाँले आफ्नो केही दिनमै कार्याकाल समपन्न हुन लागेको धाक देखाउदै तस्करहरु सित आफ्नो मातहत रहेका माथिल्लो निकायको हाकिमहरुको नाऊमा समेत रकम असुल्ने गरेको नाम नछाप्रने सर्तमा एक तस्करले जनाएका छन् ।

सिमानाका मुख्य जिम्मेवारी पाएको सशस्त्र प्रहरीको सहयोगले सिमानाका सिल भएपनि पर्साको भिसवा नाकावाट व्यापकरुपमा कबाड, जुटको बोरा , हाडयेवर , लत्ताकपडा ,मोटर , मरिच लगाएतको सामानको व्यापकरुपमा तस्करी भईरहेको छ।

सशस्त्र प्रहरी भिस्वा प्रमुख एवम सशस्त्र प्रहरी निरीक्षक संजिप बानियाँले भिस्वा, गुडगाई नाकावाट ठूलो मात्रामा कवाड ,चाईनीज स्याउ, युनिलिभरको फेयर एण्ड लब्ली, क्लोजअप पेस्ट जस्ता कष्टमेटिक सामान तथा मटर, मरिच, छोकडा,जुटको बोराको ठूलो मात्रामा तस्करी भैरहेको समाचार प्राप्त भएको छ।

पर्सा प्रहरी प्रमुख प्रहरी उपरीक्षक बेलबहादुर पाण्डे पर्सा जिल्लाको प्रमुख भई जिम्मेवारी सम्भालेको दिन देखि तस्करीमा कडाई गरि तस्करीको सामानहरु धमाधम पक्राउ गरि करोडौंको राज्शव वीरगंज भन्सार बुझाउदै अाएपनि सशस्त्र प्रहरीको मिलोमतोमा भईरहेको कारणले गर्दा नेपाल प्रहरीनै बदनाम भईरहेको एक प्रहरीले जनाएका छन्।

सशस्त्र प्रहरी २ नम्बर प्रदेश प्रमुख एवम डिअाईजी चन्द्र प्रकाश गौतमको संरक्षणमा तस्करीको लाईन सशस्त्र प्रहरी निरीक्षक बानियाँले तस्करीको लाईन दिदै अाईरहेको सशस्त्र प्रहरी स्रोतले जनाएका छन्।

सशस्त्र प्रहरीको बाहिनीका केही हाकिमहरुलाई समेत सेटिङ मिलाएर यहाँबाट ठूलो मात्रामा तस्करी भएको हो । सशस्त्र प्रहरीको सेटिङमा कबाड तस्करीको लाइन पाउनेमा शशीकान्त कुशवाहा र स्याउ तस्करीको लाईन पाउनेमा मुन्ना जैसवाल रहेका छन् । त्यस्तै युनिलिभरको फेयर एण्ड लब्ली, क्लोजअप पेस्ट जस्ता कष्टमेटिक, मटर, मरिच ,छोहडा तस्करीको लाईन पाउनेमा हरि कोईरी र रामु जैसवाल रहेका छन् ।

अहिले भिस्वा नाकावाट काम गर्ने कबाड तस्कर शशिकांत कुशवाहा, ,चाईनीज स्याउ,हड्डी तस्कर मुना जैसवाल,युनिलिभरको फेयर एण्ड लब्ली, क्लोजअप पेस्ट जस्ता कष्टमेटिक, मटर, मरिच ,छोकडाको तस्कर हरि कोईरी र रामु जैसवालहरु सित सशस्त्र प्रहरीको भिस्वास्थित रहेको बीओपीका इन्सपेक्टर संजीव बानियाँले लाखौं रुपैयाको नजराना बुझि तस्करीको लाईन दिएको नाम नछाप्ने एक तस्करले बताएका छन् ।

 

भिस्वाका यी व्यापारीहरुले बजार व्यवस्थापन समितिको नाममा बीरगञ्जबाट माल ल्याई स्टोर गरेर राख्ने र रातारात इन्डिया कटाई हाल्ने गरेको स्थानीयहरु बताउँछन् । नेपाल-भारत बोर्डरको दशगजा नजिक उनीहरुको गोदाम रहेको छ। सो गोदामको छेऊछेऊमै रहेपनि रातिको समयमा सिमानाकामा रहेका सशस्त्र प्रहरीको सहयोगले तस्करी भईरहेको स्रोतले जनाएको छ।

त्यसै गरि ,मुमताज हुसेन ,सहिद आलम ,कवाड र जुटको बोरा के तस्करीको लाईन वापत लाखौं रुपैयाको नजराना बुझाई रातिको समयमा १० वटा ट्याक्टरमा लोड गरि भिस्वानाका वाट कटाउने गरेको छ।त्यसै गरि रातिको समयमा हड्डि ट्रकमै लोड गरि सिमानाका कटाउने गरेको छ।

यिनीहरुको माल कटाउनको लागि सिक्टाको पप्पु र भिस्वाको लड्डुले कामदारहरु ल्याई ठेक्का लिई भारततर्फ माल कटाउने गरेको बताइएको छ ।

उनीहरुले राती मात्र नभई दिनमा पनि २०-२५ महिलाको प्रयोग गरि आधा आधा बोरा गरेर दिउँसो पनि सामान कटाउने गरेको त्यहाँ जाने जोकोहीले देख्ने गरेका छन् ।

यस्ता गतिविधि तर्फ सम्बन्धित निकायको ध्यान जान यति अावशयक देखिएको छ।

प्रतिक्रिया

समाचार सबै

कृषि सामाग्री कम्पनी लिमिटेड लहानका प्रमुख पौडेलको कर्तुतले किसानलाई सास्ती

साहित्य सबै

बाल अधिकार,बाल दिवसको सम्बन्धमा राष्ट्रिय तथा अन्तर्राष्ट्रिय कानुन

नेपाल अपडेट

पृतांक रास्ट्रिय दैनिक